今日笑話

 今朝瞓醒行出廳，老公話：「喂，去食早餐啦。」

太太：「唔去。」

老公：「你食咗嘢喇咩？」

太太：「未。」

老公：「咁點解唔食？」

太太：「我想食，不過唔想同你食。」

老公：「我又做錯咗啲咩呢？」

太太：「你自己知。」

*****兩個鐘之後*****

老公：「我真係諗唔到，不如你講啦可摸耳呀？」

太太：「你尋晚同我講分手。」

老公：「邊有可能呀大佬？」呢啲咁嘅說話我從來只會擺喺心入面。

太太：「你有，嗰陣我哋喺中環，當住咁多人面對住我講：『你走啦，我哋唔夾㗎！』咁，你講完呢句我就醒咗，嬲到醒咗。」

老公開始崩潰：「......醒咗......即係呢個又係你個夢嚟㗎？」

太太：「係，好嬲。」

老公：「......咁我可以點做......」

太太：「老規矩，你要喺夢入面同我道歉。」